Lajme të ëmbla vijnë sot nga një prej çifteve të showbizit tonë. Këngëtarja Angelina Shala dhe partneri i saj, ish-drejtori i Shërbimeve Publike në Prishtinë dhe biznesmeni Bekim Brestovci, kanë mirëpritur sot në jetë fëmijën e tyre të parë.
Prive By Liberta Spahiu mëson se dyshja janë bekuar me një djalë, duke kurorëzuar kështu në mënyrën më të bukur dashurinë e tyre që ka qenë vazhdimisht në qendër të vëmendjes mediatike.
Kujtojmë se lajmi i shtatzënisë u bë publik me shtatë dhjetor të vitit të kaluar, ku përmes një videoje përrallore në rrjetet sociale, çifti zbuloi barkun e rrumbullakosur mes luksit dhe atmosferës festive.
Marrëdhënia e tyre, që në fillimet e saj e deri më sot, ka ngjallur gjithmonë kuriozitet te publiku, duke filluar nga konfirmimi i fejesës e bashkëjetesës e deri te dedikimet e ndryshme publike apo hapja e bizneseve të përbashkëta.
Tani, Bekimi dhe Angelina kanë nisur zyrtarisht kapitullin më të rëndësishëm dhe emocionues, atë të prindërimit.
Mbetet të presim nëse dyshja do të ndajë së shpejti pamjet e para të djalit apo emrin që kanë zgjedhur për të. Ne i urojmë jetë të gjatë dhe plot shëndet vogëlushit. /Prive By Liberta Spahiu
