Nëse ka dikush që duket gjithmonë e kuruar dhe me një stil të pakrahasueshëm, thuajse pa u sforcuar fare, ajo është padyshim Liberta Spahiu. Pavarësisht nëse bëhet fjalë për gardërobën e saj lakmueshme apo për atë energjinë “cool-girl” që e karakterizon në çdo dalje, ajo na ofron frymëzim të pafund. Por, ashtu si çdo adhuruese e të bukurës, vëmendja jonë shpesh ndalet te grimi i saj minimalist dhe rrezatues, dhe jemi gjithmonë gati për të kopjuar rutinat e saj të bukurisë.
Në kërkim të detajeve pas asaj lëkure që duket gjithmonë e freskët dhe plot jetë, kemi vënë re se Liberta ka një qasje mjaft praktike ndaj bukurisë në përditshmëri. Stili i saj i preferuar i grimit zakonisht karakterizohet nga një çehre e ngrohtë, natyrale dhe paksa e shkëlqyeshme, që nuk e rëndon portretin, por thekson tiparet e saj.
Dhe çka fshihet pas kësaj rutine të shpejtë është vetëm një produkt i vetëm.
Bëhet fjalë për Phyto-Blush Twist nga marka prestigjioze Sisley Paris.
Beauty Pick
Phyto Blush Twist Fushia 2
Një blush luksoz me teksturë cream-to-powder që jep një finish natyral dhe të qëndrueshëm gjatë gjithë ditës.
Magjia e vërtetë e këtij produkti fshihet pikërisht te prakticiteti i tij. Për të krijuar atë pamjen natyrale në vetëm pak sekonda, Liberta e kthen atë në një mjet “tre-në-një”. Ashtu siç na tregoi edhe në videon e saj teksa bëhej gati në mëngjes, ajo është një pjesë e pandashme e rutinës së saj: e kalon lehtësisht mbi sy për një hije të lehtë, i jep ngrohtësi faqeve dhe e aplikon edhe në buzë.
Ky përdorim i shumëfishtë i lidh mrekullisht të gjitha nuancat e fytyrës, duke i dhënë asaj një pamje të freskët dhe natyrale, thuajse pa u munduar fare.
Nëse jeni gati të thjeshtoni rutinën tuaj të grimit pa bërë kompromis me cilësinë dhe pamjen e kuruar, ky është investimi i radhës që duhet të bëni. /Prive By Liberta Spahiu
