Pas marrjes së pandehur të zv/kryeministres Belinda Balluku, ka reaguar edhe kryetari i Partisë Mundësia.
Agron Shehaj deklaron se tashmë besimi i shqiptarëve tek organet e drejtësisë është rritur dhe se qeveria është e implikuar në afera korruptive deri në krye të saj, tek kryeministri Edi Rama.
Në një video-mesazh në rrjetet sociale, Shehaj thekson se organet e drejtësisë do përballin me ligjin këdo që e shkel atë.
Deklarata e Agron Shehaj:
“Dukej e pamundur që do vinte dita që dhe Kryeministri i Shqipërisë mund të dilte para drejtësisë. Dhe në fakt është rritur besimi që kjo mund të ndodhë edhe në Shqipëri.
Sepse nëse është e mundur që zv.kryeministrja të merret e pandehur nga SPAK-u ndërkohë që është në detyrë, pse kjo nuk mund të ndodhë edhe me Kryeministrin? Unë jam i bindur që do të vijë dita që do ndodhë edhe në Shqipëri”.
