Ngjarjet e fundit në shtëpinë e “Big Brother VIP Kosova” kanë sjellë një kthesë të papritur në marrëdhënien mes Benitës dhe Klodit. Gjatë natës së mbrëmshme, pas përfundimit të spektaklit “Prime”, Benita është shfaqur tejet e rënduar emocionalisht, duke u shprehur e penduar për sinqeritetin e treguar lidhur me ndjenjat e saj.
Teksa bisedonte me Londrimin në orët e vona, Benita nuk i ka mbajtur dot lotët. Ajo ka deklaruar hapur se ndjen pishmanizëm të madh që e ka bërë publik pëlqimin për Klodin, duke shkuar deri aty sa të thotë se “e urren veten” për këtë veprim.
Ky reagim erdhi si pasojë e situatave të tensionuara gjatë mbrëmjes, ku sipas saj, Klodi e ka poshtëruar me sjelljen e tij përpara banorëve të tjerë.
Në këtë moment dobësie, Londrimi ka qenë personi që i ka ofruar mbështetjen. Ai i ka qëndruar afër, duke e dëgjuar dhe inkurajuar që të mos e fajësojë veten për ndjenjat e saj. /Prive By Liberta Spahiu
