28 Nëntori, Dita e Pavarësisë dhe Dita e Flamurit, është një ndër datat më të rëndësishme për kombin shqiptar, duke shënuar shpalljen e Pavarësisë së Shqipërisë në Vlorë në vitin 1912.
Kjo ditë përkujton gjithashtu ngritjen e flamurit kuq e zi nga Skënderbeu në Krujë në vitin 1443.
Në këtë festë kombëtare, qytetet anë e mbanë trevave shqiptare dekorohen me simbole kombëtare dhe zhvillohen aktivitete festive, si koncerte.
Si çdo vit, figura të njohura nga bota e muzikës, kinematografisë, sportit dhe artit, i janë bashkuar urimeve duke ndarë mesazhe patriotike me ndjekësit e tyre në rrjetet sociale
Ata shprehin krenarinë për kombin dhe u urojnë shqiptarëve kudo që ndodhen festën e madhe.
Sabri Fejzullahu i uroi të gjithë shqiptarët me mesazhin e tij poetik duke thënë:
“Valo o flamur i Atdheut, n’ballë të mbajnë, stërnipate Skënderbeut Urime motrave e vëllezërve shqiptarë anë e mbanë botës 28 Nëntori”!
Këngëtarja Yllka Kuqi u bashkua me urimin e saj duke shkruar:
“Urime dita e Flamurit Shqipëri:”
2 Ton zgjodhi një mesazh të shkurtër por të ndjerë me “Urime 28 Nëntori”!
Këngëtari Albatrit Muqiqi u uroi të gjithë shqiptarëve: “Urime festën e 28 nëntorit gjithë Shqiptarëve”!
Eni Koçi u shpreh me krenari duke postuar: “Gëzuar Shqipëria ime”!
Remzie Osmani, Mirsa Kërçeli e shumë të famshëm të tjerë shqiptarë uruan ditën e Flamurit.
Urime edhe nga ne 28 Nëntori! /Prive By Liberta Spahiu
