Partizani ka arritur një fitore të vlefshme në kampionatin shqiptar të futbollit, duke mposhtur me rezultatin 2-1 skuadrën e Laçit në stadiumin “Air Albania”.
Ndeshja nisi me ritëm të lartë dhe vendasit gjetën golin e avantazhit që në minutat e para me anë të sulmuesit të tyre kryesor. Laçianët reaguan shpejt dhe barazuan shifrat në pjesën e parë, por Partizani u tregua më kërkues në fraksionin e dytë.
Goli i fitores erdhi në minutën e 78-të pas një aksioni të shpejtë nga krahët, duke i dhënë kryeqytetasve tri pikë të arta në garën për kreun e tabelës.
Me këtë sukses, Partizani ngjitet përkohësisht në vendin e parë me 45 pikë, duke i rritur shpresat për titull kampion, ndërsa Laçi mbetet në mesin e renditjes.
Trajneri i të kuqve u shpreh pas ndeshjes: “Ishte një fitore e merituar. Djemtë treguan karakter dhe besoj se jemi në rrugën e duhur për objektivat tanë”.
