Ministrat e ekonomisë të 27 vendeve anëtare të BE-së arritën një marrëveshje të enjten për të ndërprerë përjashtimin prej 150 eurosh nga taksa doganore që aktualisht zbatohet për pakot që vijnë nga vendet jo-anëtare të BE-së.
Vendimi do të ndikojë në platformat kineze të tregtisë elektronike, të tilla si Shein dhe Temu, të cilat po e përmbytin tregun e BE-së me pako të vogla.
Në Francë, Shein është gjithashtu në qendër të një skandali, duke u përballur me procedura ligjore për shitjen e kukullave të seksit të ngjashme me fëmijë në platformën e saj.
“Ky është një moment përcaktues dhe ky veprim dërgon një sinjal të fortë se Evropa është serioze në lidhje me konkurrencën e drejtë dhe mbrojtjen e interesave të bizneseve të saj”,- tha Komisioneri Evropian për Tregtinë Maros Sefcovic.
Një numër i madh prej 4.6 miliardë pako u importuan në BE në vitin 2024, kujtoi të enjten Komisioneri i Ekonomisë i BE-së Valdis Dombrovskis.
Vendimi për të hequr përjashtimin për pakot e vogla është pjesë e një rishikimi më të gjerë të rregullave doganore të BE-së, i cili mund të kërkojë kohë.
