Me një postim të fundit, presidenti amerikan Donald Trump duket se ka shtyrë me një ditë ultimatumet ndaj Iranit, duke cituar orën 20:00 të së martës, pa dhënë shpjegime të qarta.
Në një postim të fundit në platformën Truth, Trump nuk specifikon nëse ndryshimi i orës lidhet me ultimatumet e mëparshme të dërguara Teheranit ose me një zhvillim tjetër. Sipas zyrtarëve amerikanë, Trump ka kërkuar prej ditësh që Teherani të nënshkruajë një armëpushim dhe të rihapë ngushticën e Hormuzit deri të hënën, 6 prill.
Megjithatë, në një postim vetëm pak minuta para njoftimit për orën 20:00 të së martës, Trump shkruante: “Më 7 prill, në Iran do të jetë Dita e Termocentralit dhe dita e urës, të gjitha në një. Nuk ka gjë të tillë!!! Hapni atë ngushticë të mallkuar, të çmendur, ose do të përjetoni ferrin – do ta shihni! Lavdi Allahut.”
Pak më parë, kreu i Shtëpisë së Bardhë kishte deklaruar gjithashtu se besonte se nesër do të nënshkruhej një marrëveshje; në të kundërt, do të “shkaktonte ferr ndaj Iranit”.
Me këtë postim të fundit, duket se Trump ka shtyrë ultimatumet ndaj Iranit për dy ditë, duke i vendosur ato për të mërkurën në mbrëmje.
