Action Bronson, reperi me famë botërore që krenohet gjithmonë me origjinën e tij shqiptare, ka bashkuar forcat në emisionin e tij të njohur të ushqimit me Zohran Mamdani, politikanin që synon postin e kryetarit të Nju-Jorkut.
Gjatë këtij episodi të veçantë të “F*ck, That’s Delicious”, dyshja u fokusua në eksplorimin e shijeve të ndryshme, duke diskutuar gjatë mbi preferencat e tyre kulinarie dhe rëndësinë e traditave në tavolinë.
Duke qenë se xhirimet u realizuan pikërisht gjatë muajit të shenjtë të Ramazanit, ata respektuan rregullat e agjërimit dhe e nisën vaktin e iftarit në mënyrë simbolike me nga një hurmë.
Në momentin që filluan të shijonin ushqimin e përgatitur, Bronson nuk harroi rrënjët e tij; ai iu drejtua Mamdanit me urimin e përzemërt “Të boftë mirë”.
Ky moment shërbeu edhe si një urë lidhëse kulturore, pasi reperi u kujdes t’i shpjegonte me detaje mysafirit të tij kuptimin dhe rëndësinë e kësaj fraze mikpritëse shqiptare. /Prive By Liberta Spahiu
