Electronics and Telecommunications Research Institute (ETRI) në Korenë e Jugut, , ka arritur një përparim të rëndësishëm në komunikimet nën tokë duke demonstruar transmetim pa tela deri në 100 metra thellësi përmes përdorimit të fushave magnetike. Kjo teknologji e re, e njohur si komunikim “through-the-earth”, përdor induksion magnetik në vend të valëve tradicionale radio.
Sistemet klasike të komunikimit me radio hasin vështirësi të mëdha nën tokë, pasi dheu dhe shkëmbinjtë thithin ose shpërndajnë valët elektromagnetike. Ndërkohë, fusha magnetike me frekuencë të ulët depërtojnë më lehtë përmes këtyre materialeve, duke ofruar një alternativë më të qëndrueshme për komunikim në kushte të vështira.
Në eksperimentin e fundit, studiuesit përdorën një konfigurim relativisht të thjeshtë: një antenë transmetuese në formë rrethi rreth 1 metër të gjerë dhe një sensor kompakt për marrjen e sinjalit. Për transmetimin e të dhënave u përdor teknika e modulimit Quadrature Phase-Shift Keying (QPSK), e cila ndihmon në ruajtjen e cilësisë së sinjalit.
Megjithëse shpejtësia e transmetimit është ende e ulët, rreth 2 kilobitë për sekondë, testi rezultoi i suksesshëm edhe në një mjedis shkëmbor gëlqeror që zakonisht bllokon sinjalet radio. Ky rezultat përfaqëson një përmirësim të madh krahasuar me testet e mëparshme, ku komunikimi ishte i mundur vetëm deri në rreth 40 metra.
Kjo teknologji ka potencial të madh praktik. Ajo mund të përdoret në operacione shpëtimi, në miniera, në shpime detare dhe në sektorin e mbrojtjes. Në vende ku rrjetet Ëi-Fi, celulare apo satelitore nuk funksionojnë, kjo zgjidhje mund të sigurojë komunikim bazë, si zë dhe të dhëna të thjeshta.
Edhe pse aktualisht ka kufizime në shpejtësi, zhvillimi tregon drejt një të ardhmeje ku komunikimi nën tokë bëhet më i besueshëm dhe më i aksesueshëm.
